Жоғары білім беру жүйесінде студенттердің эмоционалды интеллектісін дамытудың теориялық-практикалық негіздері

Аңдатпа

Бұл мақалада респонденттердің эмоционалды интеллект деңгейі зерттеліп, оның даму динамикасы талданады. Эмоционалды интеллект тұлғаның эмоцияларды түсіну және басқара білу қабілеттерін қамтитын тұлғааралық және тұлғаішілік компоненттерден тұрады. Зерттеудің мақсаты — әртүрлі курстарда оқитын респонденттердің эмоционалды интеллект деңгейін салыстыру және оның даму динамикасын анықтау.

Зерттеудің мақсаты – әртүрлі курстарда оқитын респонденттердің эмоционалдық интеллект деңгейін салыстырып, оның даму динамикасын айқындау. Зерттеу Ш. Есенов атындағы Каспий технологиялар және инжиниринг университетінің «Педагогика және психология» білім беру бағдарламасы бойынша 1, 3 және 4 курс респонденттері арасында жүргізілді. Зерттеу барысында Н. Холлдың «Эмоционалдық интеллектті бағалау әдісі» қолданылып, сауалнама және статистикалық талдау (Стьюденттің t-критерийі) жүргізілді. Нәтижелер респонденттердің эмоционалды интеллект деңгейі оқу курсына байланысты өзгеретінін көрсетті. Жоғары курс респонденттерінде өз эмоцияларын басқару, өзін-өзі ынталандыру және эмпатия қабілеттері айтарлықтай жоғары болды. Бұл құбылыс олардың өмірлік және оқу тәжірибесінің артуымен түсіндіріледі. Эмоционалды интеллекттің дамуы респонденттердің тұлғалық және кәсіби қалыптасуы үшін маңызды фактор болып табылады. Зерттеу нәтижелері респонденттермен жұмыста эмоционалды интеллектіні дамытуға бағытталған психологиялық-педагогикалық бағдарламаларды жетілдіру қажеттілігін айқын көрсетті.