Психологтерді оқытудағы көрнекі баяндаулар: кино кәсіби құзыреттілікті қалыптастыру құралы ретінде

Аңдатпа

Қазіргі психологиялық-педагогикалық білім беруде студенттердің тұлғалық және кәсіби дамуына ықпал ететін гуманитарлық технологияларға қызығушылық артып келеді. Сондай құралдардың бірі – болашақ психологтердің негізгі кәсіби құзіреттіліктерін қалыптастыруда жоғары әлеуеті бар көркем фильмдер. Мақалада білім беру үдерісінде көркем фильмдерді пайдаланудың теориялық негіздері мен практикалық үлгілері қарастырылған, оның ішінде эмпатия, эмоционалдық интеллект, сыни және аналитикалық ойлау, этикалық рефлексия және коммуникативті дағдыларды дамыту мәселелері бар. Талдау гуманистік және баяндау психологиясының тұжырымдамаларына, сонымен қатар контекстік оқыту идеяларына негізделген. Психология курстарында киноны қолдану мысалдары, сонымен қатар фильмдердің педагогикалық әлеуетін бағалау әдістемесі берілген. Кинотренингтің және әлеуметтік-эмотивтік оқытудың ерекшеліктері қарастырылып, эмоцияға толы сюжеттермен жұмыс істеу кезінде педагогикалық рефлексия мен психологиялық қауіпсіздіктің маңыздылығына мән беріледі. Нақты психологиялық жағдайларды модельдеу және кеңес беру тәжірибесіне дайындықты қалыптастыру тәсілі ретінде киноны кәсіби оқытуға кіріктіру мүмкіндіктері талқыланады. Көркем фильм тек білім беру ресурсы ғана емес, сонымен қатар кәсіби көмек құралы бола алатыны баса айтылады. Студенттердің білім беру мақсаттары мен деңгейіне сәйкес келетін фильмдерді саналы түрде таңдаудың маңыздылығы атап өтілді. Зерттеу «көмекші мамандықтар» бойынша мамандарды даярлаудағы пәнаралық көзқарасты өзектендіріп, гуманистік бағыттағы кәсіби маманды қалыптастыру құралы ретіндегі киноның құндылығын атап көрсетеді.